கட்டாந்தரை

டி.தருமராஜின் ' நான் ஏன் தலித்தும் அல்ல?' நூல் விமர்சனம்:                                           தமிழக வரலாற்றை தட்டையாக வாசித்துப்பார்த்தாலும்கூட கடந்த காலத்திலும், நிகழ்காலத்திலும் மேலடுக்குச் சாதிகள் கருத்தியல் வெளியிலும், பண்பாட்டு நடவடிக்கைகளிலும் ஒடுக்கப்பட்ட மக்கள் மீது குரூரங்களை நிகழ்த்தியே பெருமை கொள்கிறார்கள். இதனால் பல இழப்புகளையும் வலிகளையும் சுமந்து, வரலாற்றில் வீழ்ந்தும் நொடிந்தும் போனவர்கள் இன்று வரைக்கும்  தனித்தே     கிடக்கிறார்கள். அரசியல் திரட்சியற்றும் கல்வி வேலைவாய்ப்புப் போன்ற     சமூகத்தகுதி நிலைகளிலும் ஓரங்கட்டப் பட்டே வருகிறார்கள்.  இவர்களின் விடுதலையின் பொருட்டு     தொண்ணூறுகளுக்குப் பின் எழுந்த ஒடுக்கப்பட்ட இயக்கங்களும், இலக்கியங்களும் உருத்திரண்டு மேலெழுந்து வந்த     வேகம் இன்று இல்லை.     அந்தக் கருமேகம் கலைந்து போனதற்கான     காரணங்கள் ஆராயப்பட வேண்டும...